Vöruleit

Pöntunarlisti

Pöntunarlisti

0 Vörur  - 0 kr

5 sjálfbærir norrænir stólar

Í helgarblaði Fréttablaðsins 30.mars var fjallað um fimm sjálfbæra norræna stóla sem voru til sýnis á Hönnunarmars. Skrifborðsstóllinn Håg Capisco var þar fyrir hönd Noregs.

 

 

Hvað er svona umhverfisvænt við Håg Capisco?

Kolefnisfótspor við framleiðslu stólsins er aðeins um 45kg, ekkert lím eða hættuleg efni eru notuð, 48% úr endurunnum efnum og plastefni stólsins er endurunnið úr plasti sem kemur frá heimilum. Tímalaus hönnun yfir 30 ár á markaðnum, hægt að skipta um áklæði (með hjálp frá seljanda) og inniheldur fáa hluti sem auðvelt er að taka í sundur. Håg Capisco er einnig fyrsti skrifborðsstóllinn til að hljóta svansvottun.

 

Smelltu hér til að lesa meira um verðlaunin

Gefðu heilsuvæna jólagjöf

Við þekkjum flest að eiga það til stundum að halla okkur of mikið fram þegar setið er. Við finnum líka hvaða áhrif það hefur til lengdar en það eykur á álag á bak, axlir og háls. 

 

Þess vegna er það góð jólagjöf að gefa vörur sem hjálpa til við að halda uppréttri líkamsstöðu

 

Er bílsætið óþægilegt? Vantar þig eða þekkir þú einhvern sem vantar betri bakstuðning?

Pilot Spot bakpúði hannaður fyrir bílsæti, verð 12.400 m vsk

Hjálpar þér að halda beinu baki og gefur góðan stuðning. Stillanleg hæð á púða og þú færð stuðning á réttum stað. Til á lager í svörtum og dökkgráum lit. 

 

Hjá okkur færðu einn hagstæðasta hnakkstól á markaðnum í dag, Texas hnakkstól, verð frá 39.060 m vsk

 

Texas hnakkstóll er góður inn á heimilið til að virkja bak og breyta um setustöðu. Stillanlegur halli er á setu og 5 ára ábyrgð.

 

 

 

Håg Futu 1200 er snilldar stóll inn á heimilið. Gefðu stól sem gefur orku en ekki stól sem tekur orku. Hannaður til að halda þér í góðri stöðu, með bakstuðning og á léttri hreyfingu. 10 ára ábyrgð er á öllum varahlutum og stóllinn hefur því mun betri endingu en flestir stólar á sama verðbili. Greenguard umhverfisvottun er á stólnum, fluttur inn frá og framleiddur í Noregi. 

 

 

Håg Capisco hlýtur skandinavísk umhverfisverðlaun

Valinn af Nordic Design Competition og fer fyrir hönd Noregs á loftslagsráðstefnu Sameinuðu Þjóðanna í Póllandi

Hvað er svona umhverfisvænt við Håg Capisco?

Kolefnisfótspor við framleiðslu stólsins er aðeins um 45kg, ekkert lím eða hættuleg efni eru notuð, 48% úr endurunnum efnum og plastefni stólsins er endurunnið úr plasti sem kemur frá heimilum. Tímalaus hönnun yfir 30 ár á markaðnum, hægt að skipta um áklæði (með hjálp frá seljanda) og inniheldur fáa hluti sem auðvelt er að taka í sundur. Håg Capisco er einnig fyrsti skrifborðsstóllinn til að hljóta svansvottun.

 

 

 Álit dómnefndar:

Frá umhverfissjónarhorni þá er stóllinn hannaður með allan lífsferil vöru í huga. Stóllinn endist vel, hægt að gera við hann og auðvelt að taka í sundur. Búinn til úr efnum sem má endurvinna og þar af 50% úr plasti sem er endurunnið frá neytendum.

Stóllinn er enn þá frumlegur, því að þrátt fyrir að hafa verið fyrst hannaður fyrir 30 árum síðan þá hefur Håg stöðugt verið að þróa stólinn í takt við þarfir neytandans.

Með óhefðbundum möguleikum, ögrar stóllinn . Hönnunin stólsins er lífleg og hugsunin að baki er sú að besta setustaðan sé alltaf sú næsta.

Håg Capisco er frábært dæmi um vöruhönnun sem leið til að leysa raunveruleg hversdagsleg vandamál. Håg Capisco er fyrsti skrifborðsstóllinn til að fá svansvottun og honum fylgir Environmental  Product Declaration (EPD) vottun.

 

Smelltu á mynd til að skoða stólinn nánar

Stólar fyrir veislur

Nýlega hófum við samstarf við framleiðanda frá Póllandi og flytjum nú inn vandaða staflanlega stóla og borð fyrir sali þar sem haldnar eru veislur

Stóllinn Mextra ST220 er nú fáanlegur í sérpöntun á hagstæðu verði. Erum einnig með Fold felliborð og hringborð fyrir veislusali fáanleg í sérpöntun. 

 Stólarnir geta verið notaðir í giftingarveislum og þá er hægt að fá áklæði ofan á 

Stólarnir ganga fyrir allskyns fundi, ráðstefnur og veislur

 

Hafðu samband til að fá frekari upplýsingar og verð

 

 

 

Áhugaverðir straumar á skrifstofunni árið 2019

 

Sjáðu myndir frá birgjum okkar og þá strauma sem vöktu athygli á nýlegri sýningu Orgatec í Þýskalandi.

Afdrep í ýmsum stærðum með góðri hljóðvist og öndun. Er símaklefinn að vakna til lífsins aftur í nýju formi?

 Silent Cube sló mest í gegn á sýningunni hjá Furniko og voru gestir sammála um góða hljóðvist sem fundarkubburinn bauð upp á og hve vel kubburinn var hannaður þannig að vel lofti um rýmið. 

Snjöll húsgögn eru að riðja sér til rúms

Nýjar vörur úr línu Actiu Next eru nú orðin snjöll. Nú er hægt að fá borð og stóla sem geta safnað saman upplýsingum um notkun með það að markmiði að auka heilsu notandans. Meðal upplýsinga sem safna má eru líkamsstaða, loftgæði, lýsing og hljóðmengun.

  

Plöntur notaðar sem skilrúm

Nanóplötur eru komnar á markað

Borðplötur sem setja alveg nýja staðla þegar kemur að slitsterkum borðfleti, vatnsþolin, slitsterkari, hitaþolnar og mjúkar viðkomu. 

 Ný kynslóð felliborða Talent, fjölhæf, hæðarstillanleg og hægt að skrifa á þau

 Talent er fjölhæft felliborð sem þú getur lagt saman, lyft upp, fært til og lagt upp við önnur borð til að spara geymslupláss. Borð sem getur hentað vel fyrir tilfallandi vinnustöðvar

Whass stólalína, fjölhæf vörulína fyrir ólík rými, sjö mismunandi útgáfur, ofur staflanlegur

Smelltu á mynd til að sjá bækling

Noom, ný sófalína, sem hressir upp á fundarrými og önnur setusvæði 

Hvað kostar góður skrifborðsstóll?

Þú getur keypt þér skrifborðsstól fyrir um 30 þúsund krónur. Verði svoleiðis stóll fyrir valinu er allt eins líklegt að þú munir standa aftur á byrjunarreit að leita þér að nýjum stól innan tveggja ára. En hvað kostar góður skrifborðsstóll? Það er stóll sem endist og hjálpar þér að halda góðri setustöðu og á hreyfingu meðan setið er.

 

Of ódýrir skrifstofustólar geta verið dýrari til lengdar

Líklegt er að ódýrir skrifborðsstólar séu óvandaðir og passi þér ekki í stærð sem veldur því að stóllinn ýti undir ranga setustöðu. Slíkt til lengri tíma getur valdið krónískum stoðkerfisvandamálum og jafnvel breytt líkamsstöðu þinni til hins verra. Oft eru svoleiðis stólar ekki með samhæfða hreyfingu baks og setu sem þýðir bara eitt stóllinn mun halda þér í kyrrsetu. Kyrrseta hefur verið tengd við fjöldan allan af sjúkdómum svo sem hjartasjúkdóma, ýmsar tegundir af krabbameini og sykursýki 2. Rekja má kyrrsetu beint til 3,8% allra dauðsfalla í heiminum í dag.

 

6 eiginleikar sem einkenna góðan skrifborðsstól

 

1.Stuðningur við mjóbak

 

2.Hæðarstillanlegt bak eða stillanleg hæð á mjóbakspúða

 

3.Stillanleg setudýpt til að stilla rétt stuðning við mjóbak og stuðning undir læri

 

4.Stillanlega arma sem ættu að vera aftarlega til að þú komist sem næst borðinu

 

5.Samhæfð hreyfing baks og setu hvetur þig til hreyfinga

 

6.Lengri ábyrgð, helst um 10 ár, þú vilt fjárfesta í stól sem er ekki með vesen og er ekki að bila/slitna hratt.

 

Bónus: Til að stóllinn nýtist sem best er best að vera með hækkanlegt skrifborð

Svo þú getir hvílt olnboga í réttri hæð á borðinu miðað við setustöðu hverju sinni og í mismunandi hæð í setustöðu og svo þú getir staðið inn á milli.

 

Hvað kosta svona stólar almennt í dag?

 

Að meðaltali eru skrifborðsstólar sem uppfylla ofangreindar kröfur á 173.191 kr á markaðnum samkvæmt síðustu verðkönnun okkar þann 28.janúar 2019 (miðgildi var 171.400 kr). Inn í verðkönnun okkar tókum við inn 22 skrifborðsstóla frá 5 mismunandi fyrirtækjum.* Stólar sem voru yfir 300.000 kr voru ekki teknir inn því slíkir stólar eru oft sérhæfðari og eftirspurn er minni eftir þeim.

 

Stólar sem við erum að selja og bendum á í þessu sambandi eru

 

Håg Sofi alhliða þægilegur skrifborðsstóll verð 159.900 m vsk. 

 

 

Håg Capisco 8106 stóll sem þú getur setið í á marga vegu og bæði virkjað og hvílt bak. Verð 159.900 m vsk. 

 

 

 

Håg Futu 1100 nettur netbaksstóll góð kaup 98.900

 

 

Góður skrifborðsstóll kostar í flestum tilfellum aðeins meira en nýr Iphone eða Samsung sími en hafa verður í huga að hann mun endast þér mun lengur.

 

Heimildir:

The Potential Yield of Non-Exercise Physical Activity Energy Expenditure in Public Health

All Cause Mortality Attributive to Sitting Time

Back 2 í Bretlandi (https://www.back2.co.uk/)

 

*Hægt er að biðja um að fá sendan allan listann yfir stóla og verð í síðustu verðkönnun okkar. Sendu mér póst á This email address is being protected from spambots. You need JavaScript enabled to view it. 

Myndir eru úr myndabanka Shutterstock

 

-Kristján Andri Jóhannsson sölu- og markaðsfulltrúi EG Skrifstofuhúsgögn

Hvernig á að sitja við vinnu?

Berglind Helgadóttir sjúkraþjálfari ræddi við okkur um hvernig á að sitja við skrifborðsstól og standa við skrifborð. Þar kemur meðal annars fram að hækkanlegt skrifborð þarf að vera stillt í rétta hæð og nota á olnboga á borð til að hvíla axlir og herðar við vinnu. Gott er að sitja hærra en 100 gráður til að mjaðmir og hryggur séu í réttri stöðu. Hælar eiga að ná í gólf og við þurfum að vera í jafnvægi í stólnum. 

Smelltu hér að neðan til að sjá viðtalið

 

 

 

 

Verðlækkun 1.mars 2017

Frá og með deginum í dag lækkum við almenn verð um 10%. Við viljum að viðskiptavinir okkar njóti góðs af hagstæðu gengi. Lækkunin nær yfir allar innfluttar vörur sem eru meginþorri af vöruúrvali okkar. 

Hjá okkur færðu meira virði fyrir peninginn

5 heitir straumar á skrifstofunni árið 2017

 

 

Í byrjun síðasta árs fórum við yfir 5 helstu strauma fyrir árið 2016 og vorum ekki fjarri lagi. Hvít borð komu sterk inn gegn öðrum klassíkari litum eins og beyki og eik. Vinsælt hefur verið fyrir skrifstofur sem skipta út borðum í áföngum að fara yfir í hvítan lit og sleppa þannig við að blanda saman ólíkum viðarlitum. Heilsuvæn húsgögn voru ráðandi þar sem rafmagnsborð og heilsuvænir skrifborðsstólar héldu áfram að rjúka út eins og heitar lummur.

Fyrir árið 2017 er því spáð að:

 

1.Sveigjanlegt skipulag ráði för 

Í takt við síbreytilegar þarfir. Vinnuaðstaða þar sem auðvelt er að breyta um stað í takt við þarfir hverju sinni. Þú getur unnið í einrúmi, farið á teymisfund í næsta rými og eftir fundinn skipulagt vinnuna í sófanum til hliðar.

 

2. Fjölnota húsgögn verða vinsælli sem hægt er að raða upp á ýmsa vegu.

Til að ýta undir sveigjanleika og fjölbreytileika. Einn daginn eru húsgögnin fyrir biðstofu síðar um daginn fyrir hópefli eða fundarhöld.


Bend sófalína ný vara. Hönnun: Stone Designs

3. Innbyggð tækni færist í aukana

Við viljum geta unnið í hverju horni í takt við ólíkar þarfir á hverjum tíma og þá þarf að vera hægt að hlaða símana og fartölvurnar og helst snertilaust. Við erum samt enn að bíða eftir borðinu sem gefur þér rafstraum ef þú kíkir á símann á fundi.  


 

4. Heilsan í fyrirrúmi í hönnun


Því er spáð að grænn verði litur ársins 2017. Hér má sjá nýja skermveggi sem byrja í sölu í janúar. 

 

Fyrir heilsuvænan vinnustað þarf að hafa margt í huga svo sem hækkanleg rafmagnsborð, svæði fyrir samvinnu og vinnu í einrými, þægindi, loftflæði, lýsingu, plöntur og svo það mikilvægasta ávaxtaskálin. Allt spilar þetta sinn þátt í bættri heilsu og auknum árangri. Ástundun núvitundar mun aukast á vinnustaðnum bæði fyrir streitulosandi áhrif en einnig til að þjálfa og viðhalda vitund og einbeitingu, Þú getur kynnt þér meira um núvitund á vinnustaðnum hér

 

5.Plöntur halda áfram að breiða úr sér um vinnustaðinn

Okkur líður vel í kringum plöntur þær draga úr streitu og hafa jafnvel lofthreinsandi áhrif.

 

Aðrir straumar sem nefndir voru til sögunnar voru ólíkir litir fyrir sérhver rými, til að hafa áhrif á stemmingu. Að vinnuborðin séu ekki persónuleg heldur almenn og þá er setið við mismunandi borð eftir dögum. Þetta fyrirkomulag hefur aðeins sést hérlendis líkt og í nýjum höfuðstöðvum Íslandsbanka.